உங்கள் ஆதிராவுக்கு டாக்டர் அப்துல் கலாம் தங்கப் பதக்க விருது

குலோபல் எகனாமிக் ஃப்ராகரஸ் ரிசர்ச் அசோசியேஷன், புது தில்லி (CLOBAL ECONOMIC PROGRESS & RESEARCH ASSOCIATION, NEW DELHI) பல்வேறு துறைய்யில் சாதனை புரிந்தவர்களுக்கு டாக்டர் அப்துல் கலாம் கோல்டு மெடல் விருதினை (DR. ABDUL KALAM GOLD MEDAL AWARD)  வழங்கியது.

அதில் சிறப்பு விருந்தினராகக் கலந்து கொண்டது மகிழ்வு. உச்சநீதி மன்ற நீதியரசர் ச. மோகன், அண்ணா பல்கலையின் முன்னைத் துணைவேந்தர் டாக்டர் மன்னர் ஜவஹர் மற்றும் அரிமா சங்க மாவட்ட ஆளுநர் நித்யா குமார், ஜிப்ராவின் பொதுச்செயலாளர் டாக்டர் சாகித் பாஷா ஆகியோருடன்......

அடியேனும் தனி சாதனையாளருக்கான தங்கப் பதக்க விருதினைப் பெற்றேன் என்பது கூடுதல் மகிழ்வு.

சாகசக் கலை

சாகசக் கலை
***************

புலன்களைப் பூட்டி விடுவதும்
புத்துயிர்த்து மலர்த்துவதுமான
சாகசக் கலையைக்
கற்றுள்ளது
உன் விரல்கள் உதிர்க்கும்
வார்த்தைகள்

தமிழச்சிக்கு வாழ்த்துகள்

11.09.15 அன்று  நம்ம செல்லத்தமிழச்சி பாரதி பணிச்செல்வர் விருது பெற்றார்கள்.. அழகா குட்டியா ஒரு ஏற்புரை சொன்னாங்க. அவர்களை வாழ்த்தி மகிழ்ச்சியைப் பகிர்ந்து கொண்ட போது.......

சென்ற ஆண்டு இவ்விருதினைப் பெறும் பேற்றினை நானும் பெற்றது மகிழ்வாக

ஆசிரியர் செம்மல் விருது’ உங்கள் ஆதிராவுக்கு....

ஆசிரியர் தினமான (05.-09.15) இன்று தமிழக கல்வி ஆராய்ச்சி வளர்ச்சி நிறுவனத்திடமிருந்து ‘ஆசிரியர் செம்மல் விருது’ பெற்ற நெகிழ்வான தருணம். 
*************************************************************************************************
* இனிக்க இனிக்கத் தமிழில் பேசும் இளைய சமுதாயத்திற்காகத் தொண்டாற்றும் மாண்பமை நீதியரசர் ஆர். மகாதேவன் அவர்களிடமிருந்து விருது பெற்றது இனிது.

* யாருடைய பிறந்தநாள் ஆசிரியர் தினமாகக் கொண்டாடப் பெறுகிறதோ அவரது இல்லத்தில் இவ்விருதினைப் பெற்றது இனீதினும் இனிது.

* விருது பெற்றவர்களின் சார்பில் ஏற்புரையாற்றியது மேலும் நெகிழ்வு.

* முன்னாள் குடியரசுத் தலைவர் டாக்டர் இராதாகிருஷ்ணன் அவர்களது இல்லம் முழுவதும் சுற்றிச் சுற்றி வந்து அவர் வசித்த இடத்தின் காற்றையெல்லாம் சுவாசித்துத் தீராமல்..... தீரும்பியது பெரிதினும் பெரிது.

.* டாக்டர் இராதா கிருஷ்ணன் அவர்களது பெயர்த்தி (தள்ளாத வயதிலும்) இனிதாக வரவேற்று எல்லோருடனும் புகைப்படம் எடுத்துக் கொண்டது மகிழ்வினும் மகிழ்வு.

* இத்தனைக்கும் அன்புச் சகோதரர் நல்லாசிரியர் முனைவர். கோ. பெரியண்ணன் அவர்களுக்கு நன்றி.
*************************************************************************************************
எல்லாவற்றுக்கும் மேலாக எத்தனை புகைப்படங்கள்!!!! கவிஞர் நம்ம ஊர் கோபி... உங்களுக்கு நன்றியெல்லாம் கிடையாது. அன்பு....... அன்பு... அன்பு.... அன்பு மட்டும்தான்.
*************************************************************************************************

குடந்தையுடனும் நெல்லைக் கண்ணனுடனும் பட்டிமன்றம்

கும்பகோணத்தில் என் தந்தை தமிழ்க்கடல் நெல்லைக் கண்ணன் அவர்களின் தலைமையில் பட்டி மன்றத்தில் பேசியபோது.

முத்தத் தீர்மானம்

முத்தத்தின் மீது வெறுப்பென்று ஒன்றும் இல்லை

முத்தம் தூய்மையானதுதான்

கண்ணீரைத் தடம் மாற்ற

காமத்தை உருமாற்ற

பெருமைப் பட

பாராட்ட

எல்லாவற்றிற்குமே

ஒரு முத்தம் போதுமானதாக இருக்கின்றது

ஆலயத்திற்கு ஒர் ஆடை

அரங்கிற்கு ஒர் ஆடையென

தரம் பிரித்து அணிவதைப் போல

முத்தங்களும் தரம் பிரித்துப்

பரிமாறப் பட வேண்டும்

அழுந்தப் பதியும் புறங்கை முத்தத்தில்

கருகி விடுகின்றன உரோமங்கள்

உச்சி முகர்வதில் மெச்சிக் கொடுப்பதில்

இதழ்வழி பீறிடும் வெப்பம்

ஓசோனின் கிழிசலாய் துளைத்து விடுகின்றன

நெற்றியை

அதிர அதிர கொடுக்கும்

முத்தத்தின் சந்தடி

மூச்சினை முட்டவே செய்கிறது

பல நேரங்களில்

மழலைகளின் முத்தங்களில் கூட

பால்மணம் வீசுவதில்லை….

பால்ய மனம் வீசுகிறது

சில நேரங்களில்

முத்தத்தின் மீது வெறுப்பென்று ஒன்றும் இல்லை

முத்தம் தூய்மையானதுதான்

என்றாலும்………

அவசரமாக ஒரு தீர்மானம்

நிறைவேற்றி விட வேண்டும்

“இனி

மலர்களின் முத்தம் தவிர

வேறு எதனையும்

ஏற்பதில்லை”

-    ஆதிரா முல்லை

நன்றி புதுகைத் தென்றல்

பெண்கள் நாட்டின் கண்கள் ...புறப்படு ..புதியதோர் உலகம் செய்வோம் ...

பாரதி என் சாரதி .. தமிழ்ப்பெண் ...முனைவர் பானுமதி..9வது உலகத்தமிழ் மாநா...

dr bhanumathi welcome you tamils ..for the conference in malaysia 2015.

மாநிலங்களவை உறுப்பினர் தருண் விஜய் பாராட்டு விழாவில்

தமிழுக்குக் குரல் கொடுத்த உத்தரகண்ட் மாநிலங்களவை உறுப்பினர் தருண் விஜய் அவர்களுக்கு 11/11/14 அன்று சென்னை மியூசிக் அகதமியில் கவிப்பேரரசு வைரமுத்து நடத்திய பாராட்டு விழாவில் தோழி தமிழச்சி தங்கபாண்டியன் அவர்களுடன்

12.11.14 நாளிட்ட குமுதத்தில் என் கவிதை

மரங்கள் அடர்ந்த அடவியொன்றில்

வார்த்தைகளோடு காத்திருந்து அந்த வனக்குயில்

அவன் வந்தவுடன் இசைக்க...

இரவும் பகலும் இறுக்கிக் கொள்ளும்

ஒரு மாலையில்

தென்றலின் வருடலோடும்

வண்டுகளின் கீதத்தோடும்

மலர்களின் மென்மணக் கசிவோடும்

நிலவின் இதச் சூட்டோடும்

மழைச் சாரலின் முத்தங்களோடும்

அதனோடு அவன் அமர்ந்திருந்த போது

இசையோடு இழைக்கத் தொடங்கியது

ஒரு பாடலை அந்தக் கானக்குயில்

எனக்கு இருள் பிடிக்கும் என்றான் அவன்

எனக்கு ஒளி பிடிக்கும் என்றது அது

எனக்குக் காதல் பிடிக்கும் என்றான் அவன்

எனக்குக் கவிதை பிடிக்கும் என்றது அது

இப்படியே தொடர்ந்த வெற்றுரையின் முடிவில்

அவனுக்காகவே அது வைத்திருந்த பாடலைக்

கேட்காமலே புறப்பட்டுப் போனான் அவன்

அவனது காதோரம்

எப்போதும் இசைத்துக் கொண்டே இருக்குமாறு

ஒரு மரண சாசனம் வரைந்து விட்டுப்

புறப்பட்டது

குரலிழந்த அந்தக் குயில்!

தென்றலினது

தேன்வண்டினது

மழையினது

மலரினது

நிலவினது

இசையாய்

அவன் கேட்டுக் கொண்டிருப்பது

அந்தக் காதல் குயிலின் வார்த்தைகளைத்தான்!

நன்றி குமுதம்

குமுதம் தீபாவளி இதழில் (22.10.14) என் கவிதை

அன்பகம் ஆண்டு விழா

மிக மிக மனத்திற்கு மகிழ்ச்சி பொங்கிய நாள் (19.07.14) இன்று.

அன்பகம், மனவளர்ச்சி குன்றியோர் காப்பகத்தின் 15 ஆம் ஆண்டு விழா, விருது வழங்கும் விழா, மற்றும் பாராட்டு விழா. முன்னாள் உச்சநீதிமன்ற நீதியரசர் ச. மோகன், மாநில ஆணையர் மாற்றுத்திறனாளிகள் நலம் ஜி.... இராமகிருஷ்ணன் I A S, நீதிபதி மு. புகழேந்தி, அரிமா வி. சுரமணியம், மீனாட்சி கல்விக் குழும நிறுவனர் தலைவர் A.N. ராதாகிருஷ்ணன், உதவிக்கரம் மாநிலத்தலைவர் T.A.P. வரதகுட்டி, கலைமாமணி கவிஞர். ஏர்வாடி. எஸ். இராதாகிருஷ்ணன். அன்பகத்தின் நிறுவனர் டாக்டர் பெ. வீரமணி மற்றும் தொகுப்பாளினி செல்வி P.R. சிந்து

                                                 
                                             

         
 ஆன்மிக வரணனையாளர், தொகுப்பாளினி சிந்து செந்தாமரை

   கலைமாமணி ஏர்வாடி எஸ். இராதாகிருஷ்ணன் அவர்களுடன்

                                   
                   உதவிக்கரம் மாநிலத் தலைவர், உதவிக்கரம்

               N. பஞ்சாபகேசன், சாய் சங்கரா மேட்ரிமோனியல்

அப்போது ‘அழகு’

ஆதி நாட்களைப் போல் இல்லை
இப்போது எதுவுமே

அப்போது காடு நிரம்பியிருந்தது
இப்போது கட்டிடம்

அப்போது காற்று நிறைந்திருந்தது
நிலமெல்லாம்
இப்போது புகை மண்டலம்

அப்போது ஆன்மிகம் நிறைந்திருந்தது
இப்போது அரசியல்

அப்போது ஆடை மறைத்திருந்தது
அங்கங்களை
இப்போது மேல்நாட்டு வாடை

அப்போது காதல் நிரம்பியிருந்தது
நெஞ்சங்களில்
இப்போது காமம்

ஒற்றைச் சொல்லால் சொல்வதென்றால்
அப்போது ‘அழகு’
இப்போது
நரகு
----------

தினமலர் நாளிதழில் என் நேர்காணல்.

22.06.14 ஞாயிற்றுக்கிழமை தினமலர் பெண்கள் மலரில் என் நேர்காணல். 

சென்னை கந்த கோட்டத்தில் வசந்தவிழா

 12/06/14 வியாழன் அன்று கந்த கோட்டம் முருகன் கோவிலில் வள்ளலார் என்னும் தலைப்பில் அடியேனுடைய சொற்பொழிவு நடைபெற்றது. அவை நிறைந்த ரசிகர்கள். மனம் நிறைந்த நிகழ்வு.

முரட்டுப் பிரியம்

பந்தயத்தில்
ஓடத் தயாராக இருக்கும்
தடகள வீரரைப் போல்
முற்றத்தில் காத்திருந்தது
என் மீதான
உன் பிரியம்

கதவு திறக்கும்
அக்கணத்தில்
உள்ளே நுழைய ஆயத்தமாக

ஆக்கிரமிப்புக்கு அஞ்சி
இறுகத் தாளிட்டேன்
இரட்டைக் கதவுகளையும்

தாழ்க்கோல் துவாரத்தில்
நுழைந்து
அறைகள் தோறும் வியாபித்திருக்கும்
அந்த முரட்டுப் பிரியத்தை
எப்படிச் சுவாசிப்பது

பிரியம்

பிணி
மூப்பு
மரணம்
எதன் பொருட்டோ

இன்றோ
நாளையோ
என்றோ ஒரு நாள்
என் இருப்பு
சூனியமாகலாம்

நாளோ
வாரமோ
மாதமோ
ஆண்டுக்கொரு முறையோ
திறந்திருக்கும் இதயத்திலோ
கனவுகளின் வரத்துக்காக
மூடியிருக்கும் விழிகளிலோ
நான் வரவும் கூடும்
வராமல் போகவும் கூடும்

இப்போதே ஒரு கவிதையை
எழுதி விடுகிறேன்
வழிகின்ற
பிரியத்தின் வண்ணத்தில்
வார்த்தைகளைத் தோய்த்தெடுத்து

ரகசியமாக

நீ தூவிய 
குறுநகையிலிருந்து
என் நிலத்தில் 
முளை விடுகிறது 
ஒரு செடி

உன் கூரை தாண்டிய
மேகம்
கொண்டு வந்து
பொழிகிறது
உன் சுவாசத்தை

உன் சாளரத்திலிருந்து
வந்த தென்றல்
புன்னகையைப் பூட்டுகிறது
பூக்களின் இதழ்களில்

பூத்துக் குலுங்கும்
உன்னை
எவருமறியாமல் வாசிக்க
ஒரு பெயர் சூட்டுவாயா
ரகசியமாக?

என் கவிதை நூல்.

உங்கள் எல்லோருடைய ஆதரவுடன் என் கவிதை நூல்.

அன்பு உறவுகளே!
உங்கள் கனிந்த மொழி என்னை வாழ்த்தும்.
கல்லெறி என்னை வளர்க்கும். 
இரண்டையும் எதிர்நோக்கி……

இப்போது டிஸ்கவரி புத்தக நிலையத்தில்


டிஸ்கவரி புக் பேலஸ் (பி) லிமிடெட்
6, மகாவீர் காம்ப்ளெக்ஸ், முதல் தளம்
முனுசாமி சாலை, கலைஞர் நகர் (மேற்கு)
சென்னை 600 078
பேச 91 4466157525 / 9940446650