Tuesday, March 24, 2015

முத்தத் தீர்மானம்




முத்தத்தின் மீது வெறுப்பென்று ஒன்றும் இல்லை
முத்தம் தூய்மையானதுதான்

கண்ணீரைத் தடம் மாற்ற
காமத்தை உருமாற்ற
பெருமைப் பட
பாராட்ட
எல்லாவற்றிற்குமே
ஒரு முத்தம் போதுமானதாக இருக்கின்றது

ஆலயத்திற்கு ஒர் ஆடை
அரங்கிற்கு ஒர் ஆடையென
தரம் பிரித்து அணிவதைப் போல
முத்தங்களும் தரம் பிரித்துப்
பரிமாறப் பட வேண்டும்

அழுந்தப் பதியும் புறங்கை முத்தத்தில்
கருகி விடுகின்றன உரோமங்கள்
உச்சி முகர்வதில் மெச்சிக் கொடுப்பதில்
இதழ்வழி பீறிடும் வெப்பம்
ஓசோனின் கிழிசலாய் துளைத்து விடுகின்றன
நெற்றியை

அதிர அதிர கொடுக்கும்
முத்தத்தின் சந்தடி
மூச்சினை முட்டவே செய்கிறது
பல நேரங்களில்

மழலைகளின் முத்தங்களில் கூட
பால்மணம் வீசுவதில்லை….
பால்ய மனம் வீசுகிறது
சில நேரங்களில்

முத்தத்தின் மீது வெறுப்பென்று ஒன்றும் இல்லை
முத்தம் தூய்மையானதுதான்

என்றாலும்………

அவசரமாக ஒரு தீர்மானம்
நிறைவேற்றி விட வேண்டும்
“இனி
மலர்களின் முத்தம் தவிர
வேறு எதனையும்
ஏற்பதில்லை”


-    ஆதிரா முல்லை

நன்றி புதுகைத் தென்றல்

11 comments:

  1. நமக்குத் தெரிந்தது அன்பு முத்தம் ஒன்றுதான். அதனை இத்தனை வகைப் படுத்த முடியுமா.?

    ReplyDelete
    Replies
    1. ஜி.எம்.பி. ஐயா. அன்பு நன்றி

      Delete
  2. சிறந்த பாவரிகள்
    சிந்திக்கவைக்கிறது
    தொடருங்கள்

    ReplyDelete
    Replies
    1. மிக்க நன்றி யாழ் பாவாணன் ஐயா

      Delete
  3. அட ராமா... இது தெரியாம நானு அப்பாவியா இருந்து விட்டேனே! நலம் தானே!

    ReplyDelete
  4. அட ராமா... இது தெரியாம நானு அப்பாவியா இருந்து விட்டேனே! நலம் தானே!

    ReplyDelete
  5. முத்தமொழி மிகவும் அருமை தோழி!

    ReplyDelete
    Replies
    1. தங்கள் வருகையும் வாழ்த்தும் மிக்க மகிழ்வைத் தருகின்றது. நன்றி தோழி

      Delete
  6. சிறந்த பகிர்வு

    புதிய வலைப்பூவில் இணைய வாருங்கள்
    இவ்வலைப்பூவில் நான் இதுவரை பேணிவந்த ஆறு வலைப்பூக்களை ஒன்றாக்கிப் பேணுகின்றேன்.
    http://www.ypvnpubs.com/

    ReplyDelete
    Replies
    1. நன்றியும் அன்பும். வருகிறேன் வருகிறேன்.

      Delete