Sunday, October 15, 2017

பிரயோகம்



அத்தனையும் முடிந்த பின்பு
தெரிந்து கொள்கிறோம்….
நட்பு பகை
மேலதிகாரி கீழதிகாரி
இலக்கியவாதி பொதுநலவாதி
உற்றார் மற்றார்
உரார் உறவார்
மாற்றார் அயலார்
அக்கம் பக்கம்
அனைவருக்கும் தேவைப்படுவது
புகழ் மொழி
சொற்களை
மூட்டைக்கட்டிக் கொண்டு
முகம் பார்த்து
காலமறிந்து
அவிழ்த்துக் கொட்டி விட்டால்
எத்தனை கம்பீரமானவர்களையும்
வீழ்த்தி விடலாம்
சொல் ப்ரயோகம் தெரிந்தவர்கள்
வாழ்ந்து விடுகின்றார்கள்
சொற்களை ஏவ முடியாதவர்கள்
வீழ்ந்து விடுகின்றார்கள்
அத்தனையும் முடிந்த பின்பு
தெரிந்து கொள்கிறோம்….

மெளனமாய் இன்னும் மெளனமாய்....

No comments:

Post a Comment