வாசனுக்கு ஒரு வாழ்த்துப்பா....

தஞ்சை மகள் ஊரெரித்தாள்

தஞ்சை மகள் ஈன்றெடுத்த் சின்னமகன்

நேசன்நீ உரசும் காதல்எனும் தீப்பந்தம்

தனைக்கொண்டு இனைய ஊர்ப்புரத்தில்

’காதல் கவிஞன் ’ என்ற பேர்பொறித்தாய்!
சொல்லாடல் புரி ஆண் மாதவியாய்!

தஞ்சைக் களஞ்சியத்தின் பொற்குவிநீ

நெஞ்சச் களஞ்சியத்தில் நிறைந்துவிட்ட

நிலவுமுகம் நித்தமும் உதிர்க்கின்ற

உணர்வுகளைச் சொல்லிடவும் மறமில்லை

அள்ளிட என்தமிழுக்கும் திறனில்லை.

உண்டால்தான் மதுமயக்கும் - கண்ணில்

கண்டால்தான் மலர் மயக்கும்

எண்ணிக் கொண்டாலே மயக்குகின்ற கற்கண்டு

சொல்மலையாய் எமைமயக்கி ஆள்கின்றாய்

இயம்பிடத்தான் எழுத்துக்கள் என்வசமில்லை

கருந்திராட்சை கனிக்குலையே

நினைவுமலர் சரம்தொடுப்பாய்

இனிக்கின்ற அன்புரசம் தனையேந்தி

இன்பச்சுவை நிதம்கொடுப்பாய்

இன்சுவையாம் சொல்லாலும் எழுத்தாலும்!

மனிதம் வழிகின்ற மலைத்தேன்நீ

சொல்தென்றல் காற்றதனில் சிதறியஉன்

தேன்மழையில் வற்றல் பாறையிலும்

வசந்தவிழா நடத்துகிறாய் நலமாக!

நீயே தேரேறிப் பவனுகிறாய்!

நேர்த்தியான மனமுண்டு!

வையம் சிறிதாகும்படி புகழை

சேர்த்திடுநீ என்று சொல்லி

வாழ்த்திடவும் வயதுண்டு! என்றாலும்

வணங்குகிறேன் உன்புலமைக்கும்!

வற்றாத அன்புக்கும்!
வளமான பண்புக்கும்!