மருத்துவ நண்பா
உன் இதயத்தில் துவண்ட
ஸ்டெத்தாஸ் கோப்
சங்கத் தமிழரின்
நாடியை அளந்தது
சூட்டளவி
தன் உடல் வெப்பத்தைத்
தணித்துக் கொண்டது
உன் கவிதைக்
குடுவையில் மூழ்கி
உன் கரம் ஏந்திய
சிரஞ்சின் முனை பாய்ச்சிய
கவி சத்தால்
பசலை நோயால்
தளர்ந்து போன
தமிழ்க் கன்னியின்
வெளிர் உடலில்
வசந்த கோலம்
மருந்துச் சீட்டில்
நீ எழுதிய
ஹைக்கூக்கள்
ஹெல்த் டானிக்கானது
அவளுக்கு
உடல் உழுது உள்ளீடான
நோய்களுக்கு நீ செய்த
வெட்டுதலும்
சீர் அழகு கூட்டிவிட
நெகிழியினால்
நீ செய்த ஒட்டுதலும்
வனிதைக்கு மட்டுமல்ல
கவிதைக்கும் அழகுதான்
தமிழாயும் மருத்துவனே
உச்சிமுதல் பாதம் வரை
நோய் நாடி நீ தந்த
ஸ்கேன் ரிப்போர்ட்
அத்தனையும்
கவனமாக நீ எழுதிய
ஆய்வுக் கட்டுரைகள்
எட்ட நின்றே
மூலை முடுக்கெங்கும்
பரவி விட்ட
நோய் தீர்க்கும்
லேசர் மருத்துவமே
நீ நடத்தும்
சுற்றிதழ்கள்
இரத்தம் உரிஞ்சும்
அட்டைப் பூச்சிகளே
கொழுத்துக் கொண்டிருக்கும்
மருத்துவ உலகில்
உலகறிய மருத்துவத்தை
மணம் முடித்து
உளமாறக்
கவித்துவத்தைக் காதலிக்கும்
நீ மட்டும்
தமிழ்ப் புலவன் தருமியானாய்
காத்திருத்தல் கன்னிசுகம்
கூட்டி விடும் அருமருந்து
என்றறிந்த காதல் மருத்துவனே
கட்டி அணைத்திடவும்
செங்கனிவாய் வெள்ளெயிற்றுச்
சாறதனைக் கொட்டிக் கொடுத்திடவும்
உன் பெயரின் வசந்தத்தை
வாழ்வில் ஏற்றிடவும்
கனிந்து விட்டாள்
கவிக் காதலியாள்
இனி உனக்குச் சுகஉலகம்
சொந்தமென்று சாற்றுகிறேன்
வாழ்த்துகிறேன் தோழி நான்!
தமிழ் மீது பற்றுக்கொண்ட தங்களுக்கும், தங்களின் நண்பர் வசந்த் செந்தில் அவர்களுக்கும் என் மனமார்ந்த வாழ்த்துகள்...தங்களின் நட்பு என்று தொடர இறைவனை வேண்டி...
ReplyDeleteதங்களின் நட்புறவின் வலிமை உணரும் வகையில் எனக்குள் இக்கவிதை.
மிக்க நன்றி வாசன்.. தங்களின் நட்பும் தொடர விரும்பும் அன்புடன்...
ReplyDeleteஆதிரா,
ReplyDeleteஉங்களின் இந்த இரண்டாம் வலைப்பூவை இப்போது கண்டேன்.வீடெங்கும் இழைக் கோலமிட்டு, தேவைக்கு காவி பூசி,சாம்பிராணியும்,நேயமும் மணக்க,கொலு வைத்த நேர்த்தியில்,நறுவீசாய் உள்ளது உங்கள் வலைப்பூ .வாழ்த்துக்கள்.
நிற்க, இந்த கவிதையின் நாயகன் வசந்த் செந்தில் அவர்கள் எனக்கு அறிமுகமானவர்.மென்மையான கவிஞர். என் உயிர் நண்பர் திரு இறையன்பு அவர்கள் அறிமுகப்படுத்தி, என்னை சிலமுறை சந்தித்திருக்கிறார்.அவரின் கவிதை நூல்கள் சிலவும் அன்பளிப்பாய்த் தந்தார்.அவரின் கிருஹப் பிரவேசம் எனும் கதையும் படித்த ஞாபகம்.நாமிருவரும் ஒரே செந்திலைத் தான் பற்றி பேசிக் கொண்டிருக்கிறோம்
என்றால் அவருடன் மீண்டும் தொடர்பு கொள்ள ஆவலாய் உள்ளேன். என் மின்னஞ்சல் mohanji.ab@gmail.com. அவருக்கு என் அன்பு.(உங்களுக்கும் தான்)
மீண்டும் மோகன்ஜி, சொல்ல மறந்து விட்டேன்.ஒன்று,உங்கள் கவிதை நன்றாய் இருந்தது: இரண்டு நான் திரு செந்திலை சந்தித்தது ௨௦௦1-௨௦௦2 வாகில் சென்னையில். ஆமென்
ReplyDeleteஅன்புள்ள மோகன் ஜி அவர்களே!
ReplyDeleteநம் இருவரின் நண்பர் தாங்கள் கூறுகிற, இறையன்பு ஐ ஏ எஸ் அவர்களின் நண்பர் டாக்டர் வசந்த் செந்தில் தான். நல்ல பண்பாளர். தாங்கள் கூறுவது போன்று மென்மையான கவிஞர். அது மட்டுமல்ல அவர் தமிழ் படித்தவர்களை விட சிறந்த முறையில் ஆழமான தமிழ் நூல்களை எழுதியுள்ளார்.
அவரிடம் தொலைபேசியில் தொடர்பு கொண்டு தங்களைப் பற்றிக் கூறினேன். அவரும் சற்று நினைவு வருகிற்து என்றார்.
தன்களின் விபரம் ஒன்றும் எனக்குத் தெரியவில்லை. விளக்கமாகக் கூற. ப்ரொஃபைலில் இருந்த விபரங்களைக் கூறினேன்.
எனக்கு மிக்க மகிழ்ச்சி. பழகிப் பிரிந்த நண்பர்களை நினைவூட்டியதில்.
என் வலைத்தளத்தில் பதிந்த தங்கள் பாதச்சுவடுகளுக்கு மனமார்ந்த நன்றி..தங்களின் அழகிய பாராட்டுக்கும் மிக்க நன்றி மோகன் ஜி.